ياخافقي لي متى محروقه اعصابـك
دنيا غريبـه ويـا مكثـر عجايبهـا
ياكثر ماضقت والهوجـاس ينتابـك
صابر ولاادري متى تصفي مشاربها
تسج واليا خـذاك الوقـت ماجابـك
يعني على الحالتين النفـس متعبهـا
ضريبة الوقت لازم تدفـع اتعابـك
لوطحت ترجع على نفسك اتعاتبهـا
مشتاق لك وانت ياللي طول غيابـك
شفها عيوني مـن الفرقـا معذبهـا
ياكثر مانزل من الضيقات وارقابـك
لوعـات غيبتـك ياليتـك... اتجربهـا
تعال وافتح بقلبـي صفحـة كتابـك
شف ذكرياتك بقلبي لو تحـس ابهـا
الوقت وياك كنـه رمشـة اهدابـك
مشاعري معـك اشرقهـا واغربهـا
ومن يوم عني خذاك الوقت واقفابـك
حتـى الدقايـق موقفتـن عقاربهـا
ياكثر مادرهمت رجلي علـى بابـك
مشاعـري ذود واشواقـي ركايبهـا
اسوقها صوب دارك واحسب احسابك
جاتك ضيوف الغلا وانته معزبهـا
وان كانها طالت الغيبه على احبابك
النفس تشفق علـى شوفـة حبايبهـا
الإهداءات
المواضيع المتشابهه
ياكثر مادرهمت رجلي على بابك
العرض العادي
